Agjencia e zbulimit

PËR AGJENCINË

Për të mbrojtur sigurinë kombëtare të vendit, interesat ekonomikë dhe politikë të vendit, pavarësinë, sovranitetin, rendin kushtetues, liritë themelore dhe të drejtat e njeriut dhe qytetarit, të garantuara me Kushtetutën e Republikës së Maqedonisë së Veriut, Agjencia e Zbulimit (AZ) mbledh informacione të zbulimit për kërcënime dhe rreziqe nga jashtë.

Agjencia, si organ i veçantë i administratës shtetërore, është kompetente për mbledhjen, përpunimin, analizimin, vlerësimin, shkëmbimin, ruajtjen dhe mbrojtjen e të dhënave dhe informacioneve të rëndësishme për sigurinë, mbrojtjen, interesat e jashtme - politike dhe ekonomike të Republikës së Maqedonisë së Veriut.

Agjencia realizon bashkëpunim ndërinstitucional me organet e administratës shtetërore, institucionet publike dhe personat e tjerë juridikë për çështje me interes të përbashkët.

Brenda kompetencave të saj, gjithashtu, Agjencia realizon bashkëpunim ndërkombëtar me institucionet e zbulimit dhe të sigurisë nga vendet e tjera.

Gjatë kryerjes së veprimtarive dhe përdorimit të të dhënave dhe informacionit, punonjësit e Agjencisë janë të detyruar t’i respektojnë të drejtat dhe liritë e qytetarëve të garantuara me Kushtetutë dhe të sigurojnë mbrojtjen e besueshmërisë së të dhënave dhe informacioneve me të cilat disponojnë.

Misioni ynë është të zhvillojmë dhe zbatojmë aktivitete të zbulimit për mbledhjen, përpunimin dhe analizimin në kohë të informacioneve të duhura, të besueshme dhe gjithëpërfshirëse, në mënyrë që të informojmë dhe mbështesim në kohë udhëheqjen e shtetit në procesin e vendimmarrjes në interes të sigurisë kombëtare të shtetit.

Vizioni ynë është që informacionet dhe analizat e AZ-së të kenë ndikim në procesin e vendimmarrjes me interes strategjik dhe në krijimin e politikës për të mbrojtur sigurinë kombëtare dhe për të ruajtur interesat kombëtare jetike dhe të qëndrueshme të vendit. Ta forcojmë besimin në shoqërinë dhe të njihet integriteti, përgjegjësia, profesionalizmi, autonomia dhe objektiviteti i AZ-së, si partner profesional, i besueshëm dhe i përgjegjshëm në nivel kombëtar dhe ndërkombëtar.

Ne, si organ i veçantë i administratës shtetërore, përgjegjës për sigurinë dhe zbulimin, jemi bërë pjesë e sistemit të sigurisë kolektive brenda Aleancës së Atlantikut Verior.

Anëtarësimi në NATO sjell përfitim të madh, por edhe përgjegjësi të madhe për AZ-në.

Anëtarësimi në NATO sjell përfitim të madh, por edhe përgjegjësi të madhe për AZ-në. Agjencia, nga njëra anë fitoi një qasje aleate dhe shkëmbim më të shpejtë të informacionit, por, nga ana tjetër, edhe veprimtari dhe drejtim kolektiv në lidhje me prioritetet, sfidat dhe kërcënimet e përbashkëta. Në baza ditore, shkëmbehen njohuri, analiza, pikëpamje dhe mendime për çështje që na prekin bashkërisht si partnerë dhe aleatë. Agjencia e Zbulimit, si shërbim i jashtëm i zbulimit, që vepron në një rajon jashtëzakonisht kompleks, jep kontribut të rëndësishëm dhe merr pjesë aktive në komitetet e NATO-s, që janë përgjegjëse për zbulim civil.

Në këtë drejtim, AZ-ja u kushton vëmendje të madhe sugjerimeve dhe mbështetjes që vjen nga Brukseli dhe kapaciteti ynë është plotësisht i përqendruar në ndërtimin e institucionit sipas standardeve, kritereve dhe procedurave më të larta të NATO-s. Gjegjësisht, sipas rekomandimeve të NATO-s, në ligjin e ri për AZ-në u futën ndryshimet dhe u plotësuan rekomandimet e vendosura nga Aleanca në lidhje me punën e shërbimeve të zbulimit të vendeve anëtare.

Agjencia kryen aktivitete të zbulimit për të identifikuar kërcënimet e jashtme nga:

Kuvendi i Republikës së Maqedonisë së Veriut, në seancën e mbajtur më 25 janar të vitit 2021, e miratoi Ligjin e ri për Agjencinë e Zbulimit.

Nevoja për miratimin e tij u imponua për shkak të ndryshimeve të fundit në mjedisin e sigurisë së vendit në një shkallë rajonale dhe globale, të cilat kërkuan përgjigje të menjëhershme, efikase dhe në kohë në terren. Me Ligjin e ri, Agjencia përcaktohet si shërbim kompetent për zbulim të jashtëm, i cili mbledh, përpunon, analizon, shkëmben, ruan dhe mbron të dhëna dhe njohuri mbi kërcënimet nga jashtë. Me këtë u bë një dallim i qartë midis kompetencave të Agjencisë së Zbulimit dhe Agjencisë për Siguri Kombëtare. Përgatitja e ligjit të ri ishte rezultat i punës disa mujore të ekipit të Agjencisë, në konsultim me komunitetin akademik, Ministrinë e Drejtësisë, shërbimet partnere të vendeve anëtare të NATO-s dhe BE-së dhe organet e specializuara të Aleancës. Me zgjidhjen e re ligjore, ne i përfunduam reformat në sistemin e sigurisë në vend dhe i përmbushëm indikacionet e Raportit të Komisionit Evropian për vitin 2020, detyrimin që e ndërmorëm si anëtare e NATO-s, por edhe pritjet e punonjësve në institucion. Ligji i përmirëson dhe i forcon standardet profesionale, е departizon Agjencinë, e përmirëson menaxhimin, e rregullon dhe specifikon mënyrën e kryerjes së detyrave dhe përdorimin dhe kontrollin e metodave dhe mjeteve të punës dhe mundëson mbrojtje më të mirë të informacioneve të klasifikuara, të cilat i krijon Agjencia dhe që i merr nga shërbimet partnere dhe nga aleanca e NATO-s. Gjithashtu, sipas ligjit për AZ-në, hapet mundësia që punonjësit në AZ, në lidhje me pagat dhe pensionimin, të marrin të drejta të barabarta me punonjësit në shërbimet përkatëse të sigurisë të ASK-së dhe MPB-së.

Drejtori i Agjencisë së zbulimit,Erolld Musliu

Agjencia udhëhiqet nga një drejtor që emërohet dhe shkarkohet nga Presidenti i Republikës dhe ka mandat katërvjeçar, me të drejtë rizgjedhjeje edhe për një mandat. Drejtori përfaqëson insitucionin dhe ndër të tjera organizon dhe siguron kryerjen ligjore dhe efikase të kompetencave të tij dhe kujdeset për përdorimin e synuar të buxhetit dhe fondeve tjera. Më 22.05.2019, me vendim të Presidentit të Republikës së Maqedonisë së Veriut, Stevo Pendarovski, Erolld Musliu u emërua drejtor i Agjencisë së Zbulimit.
Në pajtim me Ligjin e Agjencisë së Zbulimit dhe me vendim të Presidentit të Republikës së Maqedonisë së Veriut, Stevo Pendarovski, më 19.05.2023, Erolld Musliu u riemërua drejtor i Agjencisë së Zbulimit.

Erolld Musliu e ndërtoi karrierën profesionale në botën e zbulimit,duke u përkushtuar ndaj sigurisë dhe stabilitetit të shtetit. Së pari është punësuar në Ministrinë për punë të brendshme,që më pas të kalon në Agjencinë për zbulim.Duke punuar në dy institucionet shtetërore të sigurisë dhe zbulimit,ai përfiton përvoje në udhëheqjen e bashkëpunimit ndërkombëtar operativ dhe operacioneve me shërbimet partnere,në nivel rajonal dhe global. Gjatë veprimtarisë së tij profesionale,Erolld Musliu mbaroi trajnime,kurse dhe seminare të numërta ndërkombëtare për punë operative,udhëheqje të operacioneve të komplikuara të zbulimit,udhëheqje taktike dhe strategjike të operacioneve,si dhe për menaxhim dhe lidership.

Data e lindjes: 11.09.1969 Kërçovë, Republika e Maqedonisë së Veriut

Arsimimi: 1993 Fakulteti për siguri Kriminalistikë

PËRVOJA PROFESIONALE
[maj 2023] Agjencia për zbulim - Drejtor i Agjencisë për zbulim
[2019-2023] Agjencia për zbulim - Drejtor i Agjencisë për zbulim
[maj 2019] Agjencia për zbulim - Drejtor i Agjencisë për zbulim
[2015-2019] Agjencia për zbulim - Ndihmës i drejtorit të Agjencisë për zbulim,i obliguar për koordinimin e punëve operative të Agjencisë
[2012-2015] Agjencia për zbulim - Këshilltar i drejtorit të Agjencisë për zbulim për bashkëpunim operativ ndërkombëtar
[2007-2012] Agjencia për zbulim - Drejtor i drejtorisë për zbulim të terrorizmit ndërkombëtar dhe krimit të organizuar
[2004-2007] Agjencia për zbulim - Ndihmës i drejtorit të Drejtorisë për punë operative
[2000-2004] Agjencia për zbulim - Inspektor kryesor për grumbullim të informatave të zbulimit nga terreni në Drejtorinë për punë operative
[1998-2000] Agjencia për zbulim - Inspektor i lartë për grumbullim të informatave të zbulimit nga terreni në Drejtorinë për zbulim të terrorizmit ndërkombëtar dhe krimit të organizuar
[1993-1998] Ministria e punëve të brendshme - Inspektor për kundërzbulim

Gjuhë:

Shqip-gjuhë amtare, Maqedonisht-njohje e shkëlqyeshme, Anglisht-njohje e shkëlqyeshme, Gjuhët e Ballkanit-njohje e shkëlqyeshme Italisht-njohje shumë e mirë, Frëngjisht-njohje e mirë

Statusi martesor
i martuar, baba i tre vajzave

Zëvendës Drejtori i Agjencisë së zbulimit-Aleksandra Bakrevska Dodovska

Aleksandra Bakrevska-Dodovska е filloi karrierën e saj profesionale në Agjencinë e Zbulimit në vitin 2002, duke i kaluar gradualisht të gjithë titujt e punës. Kualifikimet e saj janë në fushën e marrëdhënieve ndërkombëtare dhe diplomacisë.

Aleksandra Bakrevska-Dodovska ka përfunduar trajnime dhe kurse të shumta ndërkombëtare në fushën e zbulimit.

Data e lindjes: 24.12.1976, në Manastir, Republika e Maqedonisë së Veriut

Arsimimi:
Në vitin 2016 - magjistër i shkencave politike, Departamenti i Marrëdhënieve Ndërkombëtare dhe Diplomacisë në Fakultetin e Shkencave Politike në Universitetin American College, Shkup

Në vitin 2000 - Fakulteti Filologjik në Katedrën e gjuhës dhe letërsisë angleze në Universitetin "Shën Kirili dhe Metodi", në Shkup.

Përvojë pune:
[11 Shkurt 2021 ] Zëvendësdrejtor i AZ -së
[Qershor 2020 - Shkurt 2021] Ndihmës koordinator
[Qershor 2019 - Qershor 2020] Ndihmës drejtor i AZ-së për koordinimin e sistemit të mbështetjes
[Nëntor 2015 - Qershor 2019 ] Drejtues i Sektorit për bashkëpunim ndërkombëtar, BE dhe NATO
[2009 - 2015 ] Analist, Sektori për bashkëpunim ndërkombëtar dhe protokoll në kabinetin e AZ-së
[2002 – 2009 ] Analist - përkthyese në Drejtorinë e Analitikës

Gjuhë të huaja:

Gjuha Angleze – njohuri e shkëlqyer, Gjuha Spanjolle -(niveli A2), Gjuha Frënge -(niveli A2)

Gjendja Civile
Aleksandra Bakrevska-Dodovska është e martuar. Ajo është nënë e dy fëmijëve

Drejtorët e mëparshëm të Agjencisë për zbulim

Dr. Vllado Popovski (1995-1999)

Profesor Dr. Vllado Popovski lindi më 21 shtator të vitit 1941 në fshatin D. Dupeni, Prespë, Republika e Maqedonisë. Shkollimin fillor e kreu në Shtip, gjimnazin dhe Fakultetin Juridik në Shkup. Magjistraturën e kreu në Shkup me temën: "Institucionet politike të Greqisë së Vjetër". Ai mori doktoratën e tij në temën: "Kushtetutat në Lëvizjen Nacionalçlirimtare Maqedonase si tregues i karakterit të saj shtetndërtues", duke marrë kështu doktoraturë në shkencat historike. Ai u zgjodh si: asistent dhe bashkëpunëtor shkencor në Institutin për Kërkime Sociologjike dhe Politiko-Ligjore në Shkup; si profesor i asociuar në Fakultetin Filozofik në Shkup; dhe si profesor i asociuar dhe i rregullt në Fakultetin e Drejtësisë në Shkup. Ka qenë Ministër i Mbrojtjes, Ministër i Drejtësisë dhe drejtor (themelues) i Agjencisë së Zbulimit të Republikës së Maqedonisë. Në 1991 ai ishte anëtar i Grupit të Ekspertëve që e përpiluan tekstin e Kushtetutës së Republikës së Maqedonisë.

Dr. Aleksa Stamenkovski (1999-2000)

Aleksa Stamenkovski lindi më 11 janar të vitit 1952 në Vitolisht, Prilep. Ai ka diplomuar në Fakultetin Ekonomik në Shkup në vitin1974. Në vitin 1986 përfundoi studimet e magjistraturës në fushën e marketingut në Fakultetin Ekonomik në Shkup. Titullin e doktorit të shkencave ekonomike e mori në vitin 1992, gjithashtu në Fakultetin Ekonomik në Shkup. Ka njëzet e nëntë vjet përvojë pune në fushën e punës administrative në lidhje me mbrojtjen, buxhetimin e saj, planifikimin, menaxhimin dhe planifikimin strategjik. Për këtë periudhë pune ai kryen aktivitete si drejtues i sektorit të planifikimit të mbrojtjes, këshilltar dhe ndihmës i Sekretarit të mbrojtjes së Republikës, nënsekretar në Ministrinë e Mbrojtjes, këshilltar i Qeverisë së Republikës së Maqedonisë, zëvendës dhe drejtor i Agjencisë së Zbulimit, drejtues i Qendrës së Menaxhimit të Krizave dhe profesor në Akademinë Ushtarake dhe në Fakultetin Filozofik - Instituti për Studime të Mbrojtjes dhe të Paqes (visiting professor). Që nga viti 2005 ai është zgjedhur profesor në Universitetin Evropian në Republikën e Maqedonisë - Shkup, ku aktualisht e kryen funksionin Prorektor i Universitetit Evropian.

Dragi Grozdanovski (2000-2002) (2003-2004)

Dragi Grozdanovski lindi në vitin 1957 në Manastir. Ai ka diplomuar në Fakultetin e Drejtësisë. Grozdanovski ishte deputet nga VMRO-DPMNE-ja në përbërjen e parë të parlamentit, ishte Kryetar i Këshillit të Komunës së Manastirit dhe në të njëjtën kohë koordinator i Komitetit Komunal të VMRO-DPMNE-së në Manastir. Funksionin drejtor i Agjencisë së Zbulimit e kreu dy herë, në periudhën nga marsi i vitit 2000 deri në shkurt të vitit 2002 dhe nga maji i vitit 2003 deri në shtator të vitit 2004.

Dosta Dimovska (2002-2003)

Dosta Dimovska lindi në Shkup më 17 shkurt të vitit 1954. Ajo diplomoi në Fakultetin Filozofik në Shkup, ku më vonë punoi si bashkëpunëtore eksperte. Nga viti 1991 deri në vitin 1994 ajo ishte anëtare e Parlamentit të Republikës së Maqedonisë, në të njëjtën periudhë drejtoi Komisionin Parlamentar për Marrëdhënie Ndërkombëtare. Në vitin 1998, Dimovska u zgjodh Zëvendës Kryeministre në kabinetin e Ljubço Georgievskit. Nga 27 dhjetori i vitit 1999 deri më 13 maj të vitit 2001, ajo ishte Ministre e Brendshme e Maqedonisë. Më 25 shkurt të vitit 2002, ajo u emërua drejtoreshë e Agjencisë së Zbulimit, duke lënë postin më 5 maj të vitit 2003. Që nga fillimi i vitit 2007, Dimovska është emëruar drejtoreshë e Qendrës Informative Kulturore të Maqedonisë në Sofje, Bullgari. Ajo e kreu funksionin deri në mars të vitit 2010, kur, pasi pësoi një goditje në tru, vdiq në Sofje më 4 prill të vitit 2011.

Dr. Lazar Kitanovski (2004-2006)

Lazar Kitanoski lindi më 25 prill të vitit 1948 në Ohër. Ai përfundoi arsimin fillor, të mesëm dhe Fakultetin e Drejtësisë në Shkup. Në vitin 1981 mori gradën magjistër, dhe në vitin 1995 mori gradën doktor në fushën e Shkencave Sociologjike dhe Politike. Prof. Dr. Lazar Kitanoski në vitin 1991 mori pjesë në grupin punues që përgatiti konceptin si dhe tekstin e versionit punues të Kushtetutës së parë të Republikës së pavarur të Maqedonisë. Në vitin 2001 ai mori pjesë në bisedimet e Ohrit, me të cilat u krijuan kushte politike për ndaljen e konfliktit në Republikën e Maqedonisë. Ai ishte këshilltar për shumë projekte ligjore dhe anëtar i këshillit juridik të Qeverisë së Republikës së Maqedonisë. Në periudhën prej vitit 1997 deri në vitin 2006 ai ishte i angazhuar në projekte në lidhje me integrimet euro-atlantike të Republikës së Maqedonisë, posaçërisht në fushën e sigurisë dhe mbrojtjes. I ka kryer funksionet e mëposhtme shtetërore: Ministër i Mbrojtjes në Qeverinë e Republikës së Maqedonisë (1997-1998), deputet i Parlamentit të Republikës së Maqedonisë (1998-2002), këshilltar për siguri kombëtar i kryeministrit të Republikës së Maqedonisë (2002-2004), Këshilltar për siguri kombëtare i Presidentit të Republikës së Maqedonisë (në 2004), drejtor i Agjencisë së Zbulimit (2004-2006) dhe deputet në Kuvendin e Republikës së Maqedonisë (2006-2008).

Kire Naumov (2006-2007)

Kire Naumov lindi më 10 janar të vitit 1971. Në vitin 1995 ai u diplomua në Fakultetin Ekonomik, kurse në vitin 1998 ai përfundoi studimet pasuniversitare në Fakultetin Ekonomik në Beograd, Serbi. Në vitet 1996 - 1997 ai ishte asistent në financimin dhe kontrollin e sektorit në Agjencinë për Transformimin e Ndërmarrjeve Publike, me kapital shoqëror, kurse nga viti 1997 ishte asistent në Fakultetin Ekonomik. Nga marsi 2003 - prill 2004 ai ishte këshilltar ekonomik i Kryeministrit të Republikës së Maqedonisë, që nga maji i vitit 2004 ai ishte këshilltar ekonomik i Presidentit të Republikës së Maqedonisë. Nga 21 korrik 2006 deri më 29 gusht 2007 ishte drejtor i Agjencisë së Zbulimit.

Viktor Dimovski (2007-2009)

Viktor Dimovski lindi më 26 maj të vitit 1959 në Manastir, Republika e Maqedonisë. Në vitet 1978-1982 diplomoi në Fakultetin Juridik në Shkup. Në vitet 1995 - 1996 ai përfundoi arsimin në Shkollën Kombëtare të Administratës (L’ENA) - Paris - Francë. Nga viti 1982 deri më 1995 ai ishte punësuar në Ministrinë e Brendshme, në vitet 1996-2003 ai punoi në Ministrinë e Punëve të Jashtme, ku kryente këto funksione: 1996-1998 ndihmës ministër - drejtues i sektorit për Ballkanin; 1998-2001 ndihmës ministër - drejtues i sektorit për Evropën Juglindore; 2001-2003 këshilltar shtetëror; 1998-2000 koordinator kombëtar i Republikës së Maqedonisë për CEI-n; 1999-2000 Kryetar i pjesës maqedonase të Komisionit të Përbashkët Diplomatik dhe Ekspert për përcaktimin e kufirit shtetëror midis Republikës së Maqedonisë dhe Republikës Federale të Jugosllavisë; 1999-2003 koordinator nacional i Republikës së Maqedonisë për SECI-n; 2000-2001 Kryetar i Komitetit të Drejtorëve Politikë të SEECP; 2003-2007 ambasador i jashtëzakonshëm dhe fuqiplotë i Republikës së Maqedonisë në Serbi dhe Mal të Zi; 2004-2007 ambasador i jashtëzakonshëm dhe fuqiplotë i Republikës së Maqedonisë në Shtetin e Izraelit (me vendbanim në Beograd). Në shtator të vitit 2007 ai mori funksionin drejtor i Agjencisë së Zbulimit.

Aleksandar Bocinov (2009-2012)

Aleksandar Bocinov lindi në Pula. Ka mbaruar Fakultetin e Shkencave Politike. Ka punuar në Sektorin e Zbulimit Ushtarake në Ministrinë e Mbrojtjes Ai u emërua drejtor i Agjencisë së Zbulimit më 10 qershor të vitit 2009. Në funksionin e drejtorit të AZ-së vjen nga Drejtoria e Sigurisë dhe Kundërzbulimit.

Naqe Çulev (2012-2017)

Naqe Çulev lindi në Kavadarci. Ka mbaruar Fakultetin e Sigurisë në Shkup, R. e Maqedonisë. Ka punuar, 1999: në Agjencinë e Zbulimit, 1999-2003: Punonjës operativ në Drejtorinë për zbulim të terrorizmit ndërkombëtar dhe krimit të organizuar, 2003-2007: sekretari i parë në Ambasadën e Republikës së Maqedonisë në Ankara, Republika e Turqisë, Ministria e Punëve të Jashtme, 2007-2011: këshilltar në Drejtorinë për Zbulim të terrorizmit ndërkombëtar dhe krimit të organizuar, 2011-2012: drejtor i Drejtorisë për Zbulim Operativ, 27.03.2012: Emërohet si ushtrues i detyrës drejtor i Agjencisë për Zbulim, 27.03.2013: Emërohet drejtor i Agjencisë së Zbulimit.

Dr. Zoran Ivanov (2017 - 2019)

Zoran Ivanov lindi më 31 korrik 1975 në Shkup. Në vitin 1999 ka diplomuar në Akademinë Ushtarake të Republikës së Maqedonisë. Në vitin 2011 ai përfundoi studimet pasuniversitare, për shkenca dhe aftësi ushtarake në Fort Levenworth, SHBA. Në vitin 2011 ai, gjithashtu, e mbaroi Akademinë e Komandës dhe Shtabit në Fort Levenworth, SHBA. Në vitin 2014 përfundoi studimet e doktoratës në Institutin e Historisë Kombëtare në Republikën e Maqedonisë. Nga viti 1999-2003 ishte udhëheqës i ekipit në Batalionin e Forcave Speciale në Ushtrinë e Republikës së Maqedonisë; nga 2003-2005 ishte oficer i operacioneve speciale në Batalionin e Forcave Speciale në Ushtrinë e Republikës së Maqedonisë; nga 2005-2007 ishte komandant njësie (çete) në Batalionin e Forcave Speciale të Ushtrisë së Republikës së Maqedonisë; nga 2007-2008 ai ishte oficer i operacioneve speciale në Regjimentin e Operacioneve Speciale në Ushtrinë e Republikës së Maqedonisë; nga 2008-2009 ai ishte analist zbulimi në SSHSUZ (Sektori i Shërbimit të Sigurisë Ushtarake dhe Zbulimit); nga 2009-2017 ai ishte drejtues i Sektorit të zbulimit në SSHSUZ. Më 27.03.2017, ai u emërua drejtor i Agjencisë së Zbulimit të Republikës së Maqedonisë.

TRANSPARENCA

Kuvendi i Republikës së Maqedonisë së Veriut, përmes Komisionit për Mbikëqyrjen e Punës së Agjencisë së Sigurisë Kombëtare dhe Agjencisë së Zbulimit mbikëqyr dhe kontrollon punën e Agjencisë së Zbulimit dhe shqyrton çështjet që kanë të bëjnë me :

Sipas, Ligjit të AZ Drejtori i AZ-së është i detyruar që, me kërkesë të Komisionit, të mundësojë kontroll të punës së Agjencisë dhe të japë njoftime dhe të dhëna për punën, në përputhje me kompetencat e Komisionit.

Si rezultat i përpjekjeve për transparencë, hapje dhe kontakt të drejtpërdrejtë më të madh, është krijuar projekti "Ditë në AZ".

Projekti përfaqëson vizitë studimore në Agjencinë e Zbulimit nga studentë të fushës së studimeve të sigurisë dhe nxënës. Në të njëjtën kohë, vizitorët do të njihen me fushën e veprimtarisë, funksionimin, kompetencat ligjore dhe rolin e Agjencisë së Zbulimit, si një nga institucionet në sistemin e sigurisë-zbulimit.

Gjatë vizitës, vizitorët do të kenë mundësinë të shohin ekspozitën e përhershme në muzeun e AZ-së dhe të njihen me eksponatet dhe përdorimin e tyre në masat operative-teknike dhe aktivitetet në veprimtarinë e zbulimit.

Objektiviteti, ligjshmëria dhe profesionalizmi janë parimet themelore mbi të cilat bazohet puna jonë.

Në mënyrë që të rritet niveli i informimit të qytetarëve për punën dhe kompetencat e Agjencisë së Zbulimit, si një nga institucionet në sistemin e zbulimit-sigurisë së Republikës së Maqedonisë së Veriut, dhe në mënyrë që të ndërtojmë një qëndrim të hapur, transparent dhe profesional me mediat, ne vendosim kontakte të drejtpërdrejta me gazetarët në postën elektronike (e-mail) në vijim contact@ia.gov.mk

Raporti vjetor 2017

Ligji i Agjencisë për zbulim Stema e Agjencisë së zbulimit Profili i të punësuarit Vendim për ndryshimin e ligjit të AZ - 13.05.1998 Vendim për ndryshimin e ligjit të AZ - 12.07.2000 Vendim për ndryshimin e ligjit të AZ - 21.11.2001

Bilanci i gjendjes Të dhëna speciale Të ardhurat dhe shpenzimet Struktura e të ardhurave Bilanci tatimor Bilanci i gjendjes 114 Të dhëna speciale 114 Të ardhurat dhe shpenzimet 114 Struktura e të ardhurave 114

Bilanci i gjendjes Të dhëna speciale Të ardhurat dhe shpenzimet Struktura e të ardhurave Bilanci tatimor Bilanci i gjendjes 114 Të dhëna speciale 114 Të ardhurat dhe shpenzimet 114 Struktura e të ardhurave 114 Bilanci tatimor 114

Sistemi elektronik për prokurorimet publike

Raporti financiar vjetor 2023 Raporti financiar vjetor 2022 Raporti financiar vjetor 2021 Raporti financiar vjetor 2020

Deklaratë Fletëparaqitje për pjesëmarrje në ankand publik Njoftim

KARRIERA

Punësimi në Agjenci mund të bëhet për personin, i cili i plotëson kushtet e përgjithshme që vijojnë:

Mesazh nga punonjësit:

Ndërtojmë një atmosferë pune të bazuar në dinjitet, besim të ndërsjellë dhe kulturë sigurie nëpërmjet respektimit të ligjeve dhe procedurave të sigurisë. Ne i përmbushim në mënyrë të përkushtuar detyrat tona, i mbrojmë informacionet dhe pasuritë e AZ-së për të arritur vizionin tonë. E pranojmë përgjegjësinë për punën tonë, rreziqet dhe pasojat e veprimeve tona. Ne i kryejmë në mënyrë profesionale, të paanshme dhe objektive aktivitetet e dhëna nga eprorët tanë. Jemi të bindur që bashkëpunimi jep rezultate më të mira dhe kjo është arsyeja pse i vlerësojmë dhe zhvillojmë shumë partneritetet tona në vend dhe jashtë tij. Puna në ekip është thelbësore për suksesin tonë të ndërsjellë.

Për momentin nuk ka shpallje aktive.

AGJENCIA E ZBULIMIT

REPUBLIKA E MAQEDONISË SË VERIUT

РЕПУБЛИКА СЕВЕРНА МАКЕДОНИЈА